ممكن تتعجن باللبن الرايب بدل من الزبادي والقشطة والحليب
الطريقة
هنشغل الأول الخميرة نقلبها مع السكر وشوية حليب دافي ونسيبهم لحد ما الخميرة تتفاعل
وفي بولة نضيف الدقيق ورشة الملح مع السمن ونخلطهم مع بعض كويس ونضيف الزبادي او القشطة ونقلبهم ونضيف الخميرة والحليب بالتدريج ونعجنها كويس جداا لحد ماتكون عجينة متماسكة ولينة نغطيها ونسيبها تخمر لحد ما حجمها يتضاعف ولما تخمر العجينة نخرج منها الهوا بأيدينا ونشكلها كرات متساويه في الحجم و نشكلها اقراص في صينية خبز ونغطيها ونسيبها تخمر تاني لمده 10 دقائق وندهن وش القرص بالحليب او خليط حليب وقشطة وندخلها فرن سخن على درجة حرارة 200 ومهم جدااا منسيبهاش وقت كتير في الفرن مجرد ما تاخد لون دهبي من تحت نشغل عليها الشوايه تاخد لون من فوق ونخرجها ونغطيها بفوطة او قماشة عشان تفضل طرية وممكن تحشوها عجوة او ملبن او سكر وقرفة او جبنة حسب رغبتكم
