مشاكل عصريه لأفكار رجعيه الجزء الثالث

بقلم شاميه كساب

ده بعد اذن المجتمع والناس !ممكن تغفروا للحريم غلطه ده فيه رجال بتغلط فى اليوم ولا

تلتوميت غلطه وبتقولو دى معزه اكيد لازمها لجام وفى راجل بيرمح كالفرس فى ميدان

عقاب المولى مافرقش ما بين انسانه أو انسان وغفرانه يا بنى ادمين على الطرفين.ده

ممكن حرمه من غلطه متقصدهاش تنهى حياتها باديها من كلام الناس .ويجى عويل ملوش

تأثير غلط غلطات بنغفرله وننساله كأنه ملاك

قواعد ايه يا بنى ادمين عملتو ليكو شرع ودين .حريم تغلط اكيد فى النار رجل يغلط كأنه ما

كان .دى دايره جهل عايشينها وشايفينها ولا الافلام

وهى تبقى منسيه واحلامها وطموحاتها اكيد فاشله ومنهيه .وأما الواد ليه كله متاح يروح

يجى ده كله مباح .ده فى ستات بميه راجل ولو غلطت ما تسلم من كلام الناس . ومواقفها

كلها تداس . دى تلكيكه فى فبريكا ويجى عويل ملوش تأثير غلط غلطات بنغفر وننساله

كأنه ملاك

تقول دى عادات تقول تقاليد اقولك فوق ده جهل اكيد ده فى سفيره وفى وزيره .وفى

راجل يهد كيانه م الاخر وتيجى الجدعه يا ولداه تشيل شيلته تربى وتشقى تكمل دوره

للآخر وتتاخر من الدنيا تعيش فى طاحونه مرميه ومنسيه وتستجدع وبتربى وبتعلم وبتكبر

ويجى عويل ملوش تأثير يقول إن الغلط فيها راكبها حتى رجليها تقولش تمام ملوش غلطه

ملاك نازل من الجنه وهى عيوبه من طنطا وواصله للدقهليه

. دى دايره جهل عايشينها وشايفينها ولا الافلام قواعد ايه يا بنى ادمين عملتو ليكو شرع

ودين .