مصر..Egypt محمد المصرى لما تمشى جنب قناية مليانة مية تروى أرض بور اعرف انك فى مصر لما تمشى جنب أرض خضرا طرحة سنابل قمح خضرا اعرف انك فى مصر لما تمشى على أرض رمل صفرة اعرف انك فى مصر لما تعدى على جامع بمدنه عالية..جنبه كنيسة بجرس يرن اعرف انك فى مصر لما تعدى على قهوة فى حى شعبى وناس تقولك تعا اشرب شاى اعرف انك فى مصر لما تعدى على حارة ناسها تمسك فيك تقولك تعالى الغدا جاهز اعرف انك فى مصر لما تركب قطر زحمة وتلاقي شاب يقوم ويقعد ست كبيرة اعرف انك فى مصر لما تفوت على حد قاعد على مصطبة قدام داره تلقى عليه السلام يهم واقف ويرد عليك السلام ويقولك اتفضل اعرف انك فى مصر. لما تلاتى بنت ماسكه إيد ست عجوزه بتعديها الشارع اعرف انك فى مصر لما تعدى على ست قاعده تبيع خضار ..فجأة متلقيش معاك فلوس تقولك خد ياعم الدنيا لسه بخير اعرف انك فى مصر لما تكون ماشى تايه وتسأل على عنوان تلاقى اللى ياخدك من ايدك..يوصلك لحد عنوانك. اعرف انك فى مصر. صحيح ممكن تلاقى ناس وحشة...مش معنى كده ان مصر وحشة لا ..مصر أجمل بلد فى الدنيا ناس كتير غرتهم الدنيا. بالطوب حدفوا مصر...بالدولار والريال باعوا مصر...شتموا وسبوا...فيهم اللى ندم..وفيهم اللى تاب وندم ورجع مصر. الناس الوحشة مش هما رمز البلد..رمز البلد ولاد البلد الناس الشقيانة ..الناس اللى كلهم طيبة وانسانية.. هى دى مصر...بلد الهرم والنيل عشتى وعاشت ولادك يا ام الدنيا يا...مصر
