مطبخ الكنانه مع نانو مصطفي

مربى الفراوله 🍓

مربى الفراولة تحفه يلا بقااا نشوف طريقتها ازى
مربى الفراولة بتحطى كيلو فراولة عليهم بعد طبعا ما تغسليها وتشيلى العنقود الاخضر بتاعها تحطى عليها كيلو سكر ولو مش عاوزها مسكرة شيلى من الكيلو كوبايه وتسبيها من بلليل لصبح لحد ما تنزل كل الميه اللى جواها وبعد كدااا تولعى النار عليها بس لو عاوزها فيها حتت بتسبيها زى ما هى ولو عاوزها كريمى بتخلطيها فى الخلاط شويه علشان تكون مربى كريمى او بخلاط اليدوى وممكن تحطى قرفه او قرانفل لو بتجبيها بس الفراولة طبيعى طعمها احسن وبعد ما تغلى وتطلع ريم ابيض حاولى تشليه باستمرار علشان ده اللى ممكن يخليها تبوظ وبعد ما تحسى انها ما بتطلعش بخار يبقااا كداا استوت اعصرى عليها عصرة لمون او ربع معلقة ملح لمون عادى وتسبيها تغلى اخر غلوه وتطفئ عليها و تحطيها فى برطمانات ازاز وتقفلى عليها كويس هتقعد معكى مدة وممكن تحفظيها فى الثلاجه عادى
بالهنا والشفا