معاناة للشاعر احمد سعيد الشامي 

مابين صوت جوايا بيقولي ارجع

وصوت من ناحية بيقول ماتمشيش 

عايش يا قلبي معاناة 

والجناة الدنيا والزمن والظروف 

اصلي مخبيش عليك اه ماليني الخوف

خوف من وهم اسمه لقمة العيش .

وان ابني يقولي عايز اقوله مفيش.

وانك تدور علي الراحة متلاقيش .

بنحارب فيكي يا دنيا وبنحاول نعيش.

اول مرة احس بالغربة وسط اهلي وناسي 

واتعب كتير واشيل هموم وأقاسي

جيت اقيس توب الفرح لقيته مش قد مقاسي .

نفسي اهرب لمكان بعيد ومجيش .وادينا عايشين