معلش دعاء موسى

39

كلمة سخيفة بتتقال كل يوم. في كل وقت لدرجة انك ممكن تبقى مقهور ويتقالك معلش

طب هي معلش دي معناها ايه وجاتلينا منين يلا كدة نشوف مع بعض اصل كلمة معلش.
الحكاية ان ايام الجاهلية كان لما حد سفيه

بمعنى قليل العقل او معتوه يغلط فكانوا يقول للرف التاني”ما عليه شيئ” يعني منقدرش نحاكمه او نقوله انت غلطت لانه مش هيفهم دة سفيه مجنون يعني.

ومع التحضر والتطور في جميع مظاهر الحياة فضلت الجملة دي تتغير هي كمان لحد ما وصلتنا في شكلها السخيف دة “معلش”.
وبقينا نقولها في غير وقتها ولا مكانها

المناسب؛ يعني حضرتك لما زوجتك تشتكيلك وتقولك انك مقصر معها ومشيلها الهم فتقولها معلش انت بتعترف انك سفيه ومجنون، ولما تقولك عيالك مبيسمعوش كلامي واتفضل

شاركنا شوية وتقولها معلش دول عيال انت بردو بتعرف ان عيالك مجانين، و حضرتك لما مدرسة ابنك تقولك ابنك سلوكه مش كويس و

مش بيذاكر ومطلوب منك تنتبهي له شوية فتردي وقوليلها معلش بالراحة عليه! فدة بردو اعتراف ضمني من حضرتك انك سفيهة ومجنونة انتي وعيالك.

تخيلوا معايا كدة احنا بنقول معلش كام مرة في اليوم و مع كام موقف ايه دة دة احنا كدة كلنا سفهاء وليس علينا حرج.

بالله عليكم بطلوا معلش شوية يعني لما تيجي صاحبتك تشتكيلك من مشكلة حاولي تفكري معها في حل متقوليلهاش معلش، ولما ابنك او بنتك يشتكوا من بعض ما تريحش

دماغك وتقولي معلش تعالي على نفسك وحاولي تفهميهم مين اللي غلط وليه هو غلط، وأهم حاجة لما المدرس يقولك ابنك مش

بيذاكر متقوليش معلش حاولي تفكري كدة وتيجي على نفسك وتراجعي مع ولادك دورسهم كدة يعني.عايزين نغير ثقافة المعلش.