أخبارالسياسة والمقالات
مفهوم الإستثمار في البشر عند صديقي الحاصل علي الليسانس
كتب/ابو سليم عبود…. سوهاج
احنا عايزين وسائل مواصلات أدمية زي أوروبا!!
دا كان بداية حديثي مع أحد الأصدقاء الحاصلين علي ليسانس أثناء ذهابنا الي حضور أحد الأفراح القريبة من مدينتنا
ومتخيل علشان هو واخد ليسانس إسم اللة علية يبقي في عربية همر هتيجي تاخدة يقضي مشاويرة داخل المدينة من الباب للباب آمال اية مش واخد ليسانس إسم اللة علية
طب خلاص هناخد قروض ونجدد كل وسائل المواصلات بس ادفع تمن تذكرة يوازي تكاليف تشغيلها.
لأ مهو انا مش عايز بقروض انا عايزها من غير قروض !!
ماشي يبقى نيجي على نفسنا وبرده اللي كان بيدفع دعم للتذكرة تدفعوا انت من جيبك كتكاليف تشغيل والدعم يروح للتجديد مافيش مشكلة ومش هنختلف يا استاذنا
لأ مهو انا عايزها أدمية وبدون قروض وبدعم والا تزود لي مرتبي وانا ادفع مش هتفرق اهي الزيادة تروح في المواصلات بس تكون آدمية وشيك ونظيفة
ماشي مهو علشان مرتبك يزيد يبقى لازم تشتغل وتنتج اكتر وساعتها انا لازم اعمل بنية تحتية قوية تساعد على انطلاقة صناعية لاستيعابك أنت وامثالك علشان تشتغل والانتاج يذيد؟
لأ مهو بناء البشر اولى من بناء الحجر !!
ياراجل
خلاص هعملك نظام تعليمي جديد ونبني البشر !!
لأ مهو تطوير التعليم مش بتابليت وسمارت بورد ومنهج وتقييم جديد انت لازم تحللي الكثافة الأول ! والنبي أية
طب مهو معنى كده اني هبني حجر الأول يعني أبني مدارس وفصول وقاعات تعليمة تستوعب الكثافات وبناء الحجر محتاج فلوس وانت مش عايزها من قروض ولا من دعم ويبقى لازم نعمل بنية تحتية قوية علشان تبقى اساس لصناعة وزراعة وتجارة وانت تشتغل وتنتج وتجيب فلوس وتزود بها دخلك واحنا نبني مدارس ونطور تعليم ونجيبلك وسائل مواصلات أدمية وتدفع تكاليفها وتكاليف اى خدمة بدون دعم وتكفي نفسها بنفسها زي اوروبا.
لأ مهو انا مش عايز زراعة وصناعة انا عايز وظيفة حكومية انا راجل معايا اسانس ومتعلمتش علشان اتبهدل واشتغل اي حاجة أنا عاوز حاجة في نفس تخصصي وكمان مكان يليق بيا ولا الاماكن دي محجوزة للي عندهم واسايط دا في اوروبا بيوزعوا وظائف واللي مش عجباه بياخد مرتب شهري بدل بهدلة.
ماشي خلاص نفرض ضرائب على كل اللي شغال بدون استثناء علشان ندي للمتبهدل اللي زي حضرتك بدل بهدلة لحد ما نفصله وظيفة تليق بمعالية وبالليسانس من اللي تعب ومانمش الليل لغاية ماحصل علية
لأ ضرائب تاني كفاية إحنا هنعيش العمر كلة علي الجباية وتنفيض جيوب الناس دي تبقي عيشة مرة
يابني هو انت بتدفع حاجة اصلا..بس ماشي خلاص نعمل بنية تحتية قوية تكون اساس لنهضة صناعية وزراعية وتجارية. وثقافية وعلمية ورياضية وكل حاجة دا صديقي اللي بيقول كدة
حوار مع ناس ممكن تقابلها في سكتك. وفي اي وقت وفي أي مكان
لا هي عارفة حاجة ولا حاسة بحاجة بس هو حفظ الكلمتين بتوع أبوتريكة أن بعض الدول بتثتسمر في البشر قبل الإستثمار في الحجر وأنا اشك أن تريكة نفسة فاهم المعني
يعني هو بناء وإنشاء أكبر متاحف في العالم وعمل المدن العلمية والثقافية والاهتمام بانتشار قصور الثقافة مالوش اي صلة بالاستثمار في البشر
يعني بناء المدن الرياضية والتوسع في إنشاء الصالات الرياضية والتوسع في إنشاء الساحات والملاعب الرياضية في كل المدن والمحافظات وحتى القري لايمت ببناء البشر
بعد كل هذا الحديث والحوار المطول والذي امتد بيننا حتي وصولنا الي قاعة الأفراح إذ بهذا الصديق يجد أنها ليست قاعة بالمعني المفهوم إنما هي عبارة عن قطعة أرض فضاء محاطة بالزعف والبوص وإذ بالدهشة تعتري وجهه اية دة هي الناس دي مش مرتاحة ماديا اجبتة نعم
آمال ما عملوش لية الفرح في أحدي القاعات الشيك وبزيادة الفين تلاتة بدل القعدة البلدي دي بدل ما اتبهدلنا في المواصلات علشان نقعد في غيط ونشرب كنز بخمسة جنية
ووجتني ملقي علي الأرض من فرط الضحكات التي صدرت مني باعلي صوت وأنا أقول لة أصل أصحاب الفرح مش بيحبوا يستثمروا فلوسهم في الحجر هما بيسثمروا في البشر
اة وربنا
كل عام ومصر وأهلها بالف خير
تابعنا على
