مقياس حلاوة الإنسان بقلم عاطف سيد المحامى بالنقض والإدارية العليا والدستورية العليا

4

لا تقاس حلاوة الإنسان بحلاوة اللسان فكم من كلمات جميله

ولطيفه يكمن بين حروفها الخبث والحقد

وكم من كلمات قاسية ولكنها تحمل كل الحب فنحن في زمن اختلط فيه الطيب والخبيث

فبعض الناس لن يسمعونك مهما ارتفع صوتك ومهما كثر حديثك

ومهما صدقت ومهما احببتهم ومهما حادثتهم من قلبك بكل صدق فتمني لهم الخير ودعهم

يذهبون وتمسك بالناس اللي بتزعل شويه وعند اول فرصه صلح تنسي كل حاجه الناس اللي

بتكون مقاطعه حد وعند اول لمه ترجع تكلمك كويس وتلاقي في

قلبها كل الحب الناس دي بيكون فيهم ميزة القلوب الصافيه اللي مش بتشيل من حد

ناس تلاقيها واقفه جمبك في كل

شدة مش بيضاقوا منك وانت متعصب وبيستحملونا في كل احوالنا وبيلتمسوا لنا العزر حتي

في وقت غضبك تلاقي ايديهم ممدوة ليك وبطبطب علي كتفك

ناس مش بتتعوض عند فقدانها بيفضلوا طول العمر في القلب

الناس الاصيله دي بيكون معدنهم نضيف وغالي اغلي من الذهب لان

وجودهم بيكون نادر وقيمتهم عاليه ناس تكمل معاك مش تكمل

عليك فان وجدتهم خدهم جوه قلبك واشتريهم بكنوز الدنيا

الناس دي هيا اللي هتسندك بعد

ربنا في فرحك وحزنك لان الحياه مش بتكررهم في حياتنا كتير لان

الاصيل وجوده بقي قليل جدا واكيد في ناس دخلت حياتنا

علمتنا درس مش يتنسي ناس اللي جوه قلوبها عمرك ما هتقدر

توصله لانك بتشوف بس الوش الجميل والكلام الحلو انما تحت

لسانه وفي قلوبهم سم ثعبان بيظهر وقت الاختلاف تلاقي

انسان تاني عمرك ما كنت تعرفه ولولا الاختلاف كنت هتفضل

عايش مخدوع في الوش الملائكي خلي بالك دايما من اختيارتك ولم

تحب تصاحب حد او تختار خليل لروحك اختار الناس الصح الناس

ولاد الناس اللي بنشيلهم جوه العين والقلب وبنحافظ عليهم بكل قوتنا