( ملامحى مع الزمن ) بقلمى/ الشاعر محمد غبن
( ملامحى مع الزمن )
بقلمى/ الشاعر محمد غبن
شاعر آل غبن
13/5/2020
غير الزمن ملامحى سرق
منى الصبا ولحظات الشباب
خلانى تايه زعلان على
نفسى بهرب حتى من الأحباب
عجزت ملامحى وشعر
راسى أبيض وشاب
برغم إنى ماخدتش من العمر
إلا بواقى لشوية ذكريات
وكإني معزول عن الناس
وعايش مسجون في سرداب
عدى عليا الزمن وقالى
مالك مش خير سلامات
رديت قولتله القلب
بس فيه شوية وجع وآهات
رد وقال سيبك م الهموم
بعد الليل بيتولد نهار
خليك جامد إفتكر كلامى
لازم تبقي قوى وتصنع قرار
يبقى عندك كياسه دا العمر
بيعدي خليك جامد زي الجبال
متحمله م الحياه كل شيء
عواصف وهموم زي التلال
واقفه بشموخ ما
إتحنت ولا إشتكت يوم أحوال
و أنت واخد منى موقف
قال ايه دايما معاك ظالم
هي تغيرات الحياه ودا
أمر طبيعي محدش منها سالم
قاعد تملى مخنوق و دايما
بلاقيك ناقم وشاتم
طيب هستفيد أيه بس
وهعمل فيك كدا ليه
دى أمور طبيعيه وحسب كل
واحد فيها اللى ليه واللى عليه
أجيال بتسلم أجيال خليك
مع ربنا محدش فيها مرتاح
واهي عيشه مكتوبه والشاطر
يحايلها لجل تلاقي بعد
الليل هينور ليك الصباح
