ملعونة يالمسافات بقلم سحر أبوالعلا

45

بقلم سحر أبوالعلا
ملعونة يالمسافات
ملعون أبوك يا غياب
فرقتوا بين الاحباب
ملعونة كلمة وداع
زرعت فينا الأوجاع
حصدنا منها الآه
و القلب والله تاه
ما بين حنين و دموع
و بين غياب و رجوع
الشوق بحره غريق
قلبي مركب ورق
مع هبة ريح حنين
فى بحر شوقه غرق
ملعون أبوك يا سكات
و الشوق بيقتلنا
ساكتين عشان عارفين
ما فى حد ينجدنا
النجدة حضن ولقا
و مين يجمعنا
مكتوب فوق الجبين
فراقنا ده نصيبنا
و الله لو يعرفوا
يعتذروا لقلوبنا
ملعونة يالمسافات
ملعون ابوك يا غياب