ممكن افهم بقلم محمد غبن

 

بقلمي الشاعر/ محمد غبن

شاعر عاميه بلغة محكيه

16/11/2021

ممكن افهم أيه اللي

أنا شايفه دا وبتبكي ليه

بكره يبكي ندم علي قلب 

حبه وكان أحن الناس عليه

كلمه وأعرفيها طول ما احنا 

عايشين لسه هنشوف وياما

بيبقوا عايشين حوالينا وفي

لحظة غدر يلا من غير سلامه

فمتستغربيش علي حبك وتندمي

حظك وتقولي ليه اشمعني أنا

هوا مايستحقش قلبك ليه 

يسكن جواه حزن أو اي ضني

عايزك تتعلمي طول ماإحنا 

عايشين لازم نكون فيها شداد

ندوس على اي حزن روح  

ياحلو ضاع الوقت وفات الميعاد

يلا قومي غير هدومك وارمي

وراكي اي هم لسه قدامنا الحياه

نصنع وجودنا مهما كلفنا واوعي

نشتكي في لحظه ونقولها اااه

هتعيشي وتشوفي كل حاجه

ومين اللي كان فيها شاريكي

هتصدقي كل كلمه قولتها والدنيا

تحلي كمان وأكتر في عينيكي

تحسي إن قلبك رجع يضخ

نبضه ف روح كنت هتقتليها بإيديكي