ممكن نبطل نعيش فى الماضى 

دكتورة فاطمه محمود 

ممكن نبطل نعيش الماضى بكل مافيه

 ماهو يا إما بتعيش الماضى السلبى بمعنى مشاكل حصلت فى الماضى ويتأثر بها و دايما تقف عندها وموقف حياتك لأنك مركز فيه ..وطبعا طول ما انت مركز فيه ..عمال بتجذب المزيد منه ومن الأحداث السلبية فى حياتك

️أو إنك تعيش الماضى الإيجابى بمعنى الأمجاد السابقة له أو الكلام العام مثل (نحن الفراعنة..)..(أمجاد الآباء والأجداد)..(نحن الأمة الإسلامية)..( انا اجدادى عملوا )..طب معلش ..انت عملت ايه؟؟

️دايما بتغفل أنه ربنا قال .:”تلك أمة قد خلت .لها ما كسبت وعليها ما اكتسبت”..أى أنه لا يخصك فيها شىء ..انتبه لنفسك..فى وسط كل ده..فين اللى انت حققته فى حياتك؟؟؟..طبعا لا شىء مع الأسف.

وفى كل الأحوال سواء هذا الماضى سلبى أو إيجابى فنهايته واحدة وهى الوقوف محلك سر فانت بتتكلم وبس..ومفيش أى خطوة للأمام .

خليك فى نفسك واشتغل دايما عليها واعمل اللى عليك دايما واسعى بشكل صحيح وحقق هدفك..وخليك دايما عايش هنا والآن.

دكتورة فاطمه محمود