من سلسلة إتيكيت الخصال الحميده

90

(من كتاب مملكة الاتيكيت)

كتبت / هايدي سلامة

حب الناس .. نعمة لا تقدر بثمن .. لأنها علامة حب الله لك .. فلا تغتر بنفسك .. فما أحبوك إلا لجميل ستر الله لخفاياك

.. فبادر و أحب لغيرك ما تحب لنفسك .. افتح قلبك الطيب لمحبة كل البشر .

بعد فترة من عمرك هتندم على كل حاجة كان ليك فرصة إنك تعملها ومعملتهاش.. على كل تجربة جديدة كان ممكن

تدخلها بس أنت خوفت تقدم عليها.. على كل تغيير كنت ممكن تحسن فيه نفسك للأفضل بس مقدرتش تطلع برة دائرة

الأمان.. ماتخليش حاجة توقفك اتعلم وجرب وافشل واتحرك علشان لما تكبر يبقى عندك ذكريات ومواقف تقدر تحكيها

بشجاعة للأجيال اللي بعدك

خلي دايمًا عندك إيمان ويقين قوي بإن اللي جاي في حياتك هيبقى مليان بالخير.. تفاءل وأيقن بإن ربنا هيمحي أحزانك

وهمومك وهيكتر من اللحظات الحلوة والذكريات الجميلة اللي هتنسيك كل السنين اللي فاتت اللي عشتها.. بس خليك

واثقة بإن ربنا هيكافئك على قد صبرك وهيعوضك بالخير قريب

لن تستطيع تغيير شكلك لتصبح أجمل في عيون الناس ، ولكنك تستطيع التحكم بأخلاقك وتجميل أدبك لتكون اجمل ما

رأت عيون الناس

من الحاجات الجميله جدا والي بتفرق في حياه اي انسان ،، انه يحس انه محبوب وفى ناس عايزينه…انه يتحمل

مسئوليه وانه قادر علي تحملها …انه مصدر إلهام لحد ومصدر بيستمد منه القوة…انه الشخص الي بيمثل الجانب

المريح …
وقتها هم مش بيبخلوا ابدا عليك سواء بكلمه منهم او فعل

بيعوضوك عن تعبك وتحملك للمسئوليه دي عشان تزيد اصرار اكتر وتكمل …بيخففوا عنك الشيله و يشيلوها معاك…

فتتحول من شيله ومسئوليه صعبه لحاجه انت بتعملها وعارف انك قدها وعارف انها لناس تستاهل فيهون كل تعبك

فرق كبير بين المرء اللى له قيمة والمرء إللى له ثمن…فاجعل لنفسك قيمة لا تقدر بثمن..