أدب وثقافه
من غير شعور
الكاتبة د:ولاء أيمن
حسيت ليه بالوجع لما انقطع حبل الكلام
يمكن لأني كنت أتمنى نوصل الأحلام
لما انقطع همسك غرقت في الأوهام
قلبي شلال دموع وضحكتي حرمان
والخوف معتش قادر خلاص على الكتمان
بقا يقول ويعيد أصبر بحب أكيد
في يوم اللقا هتكون معاه سعيد
نطق صحيح من الخوف لكنه طمن روح
وبعد كلامه ليا حسيت بقرب العيد
كلامه كله حنان بعيد عن الأوهام
هعيش معاه الشغف وهحقق الأحلام
ولو حكيت عن شوقي فشوقي ليه بركان
حبه علامة صلاه فوق الجبين بتبان
وبحته في رعشتي كانت كما الصولان
وكلمة حب منه تهزم كتير شجعان
هزم خوفي في لحظة وكان ليا بر أمان
تابعنا على
