من يومين

27

سحر أبوالعلا

كنا لسة من يومين

بنقول مرحبا بك

والنهاردة النص منك

بشويش رمضان على أحبابك

لسة القلوب محتاجة لك

تزرع الخير والمحبة

تجمع الناس الأحبة

لسة يا رمضانا لسة

لسة في القلوب جفا

لسة محتاجين وفا

لسة يا رمضانا لسة

قلوبنا محتاجة الدفا

لسة فاكرة لك زمان

أيام الخير والأمان

أيام لما كنا واحد

متجمعين وسط الأمان

والله يا عم رمضان

لسانّا محتاجين

محتاجين نقولك أسفين

وان كنا قصرنا في حقك

احنا راجعين ندمانين

ولسة في كرمك طمعانين

لسة يا رمضانا لسة

ده احنا يادوب كنا بنقول

مرحبا بك من يومين.

_سحر أبوالعلا