موحشتنيش بقلم سحر ابوالعلا

بقلم سحر ابوالعلا
موحشتنيش
ومن غيرك طلع
عادي اني اعرف أعيش
واعرف كمان احلم لوحدي
واحقق حلمي من غيرك
لا وجودك كان محور حياتي
ولا تايهة لوحدي في غيابك
أنا كنت موهومة
وحبك كان وهمي الكبير
ولما غبت
حسيت حقيقي بفرق كبير
وجودك جنبي خلاني
أحس بقلبي محتاج لك
وبعدك عني قواني
بقيت قادرة أكون نفسي
مش بس صورة في برواز
ولا إني عروسة خيوطها في ايدك
بتحركها بدون إحساس
حقيقي الحب ده أعمى
وانا في غيابك فتحت خلاص
بشوفك من بعيد بسأل
ازاي م الأول حبيتك
واختارتك ع أي أساس
حقيقي الحب ده أعمى
بيجمّل في عيونّا الناس