(نصيحه وبروزيها) عزيزتى الأنثى، متعمليش فيها السبع رجالة/دكتورة فاطمة محمود

56

..
خدى النصيحة دى وبروزيها وحطيها فى نضارة والبسيها عشان تبقى دايما قصاد عينك ..
متبقيش انتى الجامدة طول الوقت والعامود اللى الكل مسنود عليه والنجار والكهربائى

والسباك واخر واخدة تاكل واخر واحدة تشرب

واخر واحدة تفكر تجيب لنفسها لبس ولا حاجة جديدة او تفكر حتى تاخد “بريك” تريح

نفسها أو تبص لنفسها فى المراية وتهتم عشانها وعشان نفسيتها مش عشان حد ..

متكتميش جواكى التعب والوجع والعيا وخدى الوقت اللى يكفيكى للراحة عشان تعرفى تكملى ..
ولا داعى للتطوع بدعك الطاسة لمدة ٣

ساعات عشان ترجع بتبرق “ارميها واشترى جديد” واقعدى ال ٣ ساعات دول فى اللالاند

بلا أى هدف بصى على السقف واستمتعى بالفضاء “صحتك بالدنيا”

ومتفتكريش انك بتضحى عشان حد عشان أول ما هيتقالك “محدش قالك ضحى”

هتكتشفى انك ضحيتى بنفسك ع الفاضى ..
اياكى اياكى اياكى تنسي نفسك وتيجى عليها

بزيادة لأنك هتتنسي وهتبقى أى حاجة أكبر من طاقتك فرض وواجب عليكى وافتكرى

اللى بيهون عليه نفسه بيهون على أى حد ..
والحياة بتتعاش مرة واحدة وبس ..