( نفسى تكونى)

بقلمى/ الشاعر محمد غبن
شاعر آل غبن
9/7/2020
نفسى تكونى معايا
وبإيدينا نهدم جدار السكات
كل واحد مننا يقول على
حلمه واللى بيتمناه من أمنيات
نسقى بحبنا زرعة عشقنا
نرويها لجل تكبر وتبقى نبات
والنبات بطبيعته بيدل ع الخير
ونصحيه قبل مايبقى ممات
مش هيكلفنا غير عنايه
بلهفة عطف وقلب فيه حنان
يكبر ويطرح ويخلى
النفس دايما فى إطمئنان
ولا مينفعش إلا أما نسيبها
هشه ضعيفه بلا بنيان
العقل والقلب أما يكونوا
سوا بيهدوا المحبه والآمان
وهوا دا اللى كلنا بندور
عليه بعد ماتوهنا الزمان
صبحنا أجساد بلا أرواح
وكمان عقلنا من وقتها غفلان