هتعدى الغيمة يابلادى/ بقلم كريمة ابو النجا

169

هتعدى الغيمة يابلادى
وهتشرق شمسك فى سماكى
ونعدى من وسط النار
وهنرمى ورانا الاحزان
وهنعبر برك بأمان
مع جيشك وجنودك الاحرار
دا ولادك جمرة بركان
لعدوك شعلة نيران
واقفين يحموكى الابطال
وعيونهم حالفة ما تنام
من اجلك ليل ولا نهار
………………….
لا تقولى وباء ولا كورونا
بحفظ الله انت مصونة
المولى وصفك بامان
وفيك انزل قرآن
ادخلوا مصر آمنين
ادخلوا مصر بسلام
…………………..
هتعدى الغيمة يا بلادى
فلاحك حالف ليكى
ليزرع قطن فى ارضيكى
والكل هيبارك ليكى
والقمح سنابل ذهبية
لمطاحنك رايحة وجاية
والخير هيزيد انا مطمن
دا ولادك جندى ومعلم
فلاح بيزرع فى الغلاة
ومهندس أيده فى ايد بنا
وان كان على نيلك يا حببتى
دا هدية ربك من الجنة
بيخونوا فيكى الاندال
وكلامهم دا لعب صغار
يا ملكة والكل عبيد
وشعبك جاسر وعنيد
وجندك خير الاجناد
…………………………
هتعدى الغيمة يا بلادى
بقلمى كريمة ابو النجا