هل تركيا تدعم الجيش الاثيوبي بـ 10 طائرات حربية بقلم الإعلامي/ يوحنا عزمي

59

كمواطن مصري عنده بربع جنية عقل عايز أقول إن الخبر ده عسكريا ملوش أي تلاتين لازمه إن صح ، ليه بقى ؟

عشان بالمنطق البسيط ، لو هنقلق من أي دعم عسكري لأثيوبيا يبقى

أولى بينا نقلق من الدعم الأمريكي والإسرائيلي أو الصيني والروسي

، تركيا عسكريا صفر علي الشمال ، مجرد فقاعة وأكذوبة .

ليه تركيا صفر على الشمال ؟
من غير ماتكون خبير عسكري ولا

حاجة ، الشواهد قدامك بتقول كده ، العنتريه التركية في سوريا

وليبيا والعراق ماحصلتش إلا بعد سقوط جيوش الدول التلاته ، سقوط تام بعدها تقدر تركيا

تمارس عنتريتها ، لكن في مواجهة جيش نظامي واقف على رجلية ؟.. مستحيل كانت تقدر ، لا

مع الجيش السوري ولا العراقي ولا الليبي ، ما بالكو إن الجيوش

دي في أحسن حالاتها لا تقارن بجيش مصر .

وليه برضه تركيا صفر على الشمال؟

عشان ماحصلش ولا سمعت قبل كده عن دولة تقعد حاطه رجل

على رجل وترسم خط أحمر في دولة تانيه وعلى بعد ألف كيلو من

حدودها ، وأردوغان وميلشياته مايقدروش يعدوه ، لا انت مش

واخد بالك ، أردوغان واللي وراه واللي قدامه ماقدروش يعدو

الخط الأحمر مع إن مصر لا بعتت جندي واحد ولا ضربت طلقة

رصاص واحده في المنطقة دي بنرسم خطوط واحنا قاعدين في

التكييف وعلى عدونا السمع والطاعة .

طب لما الخبر ملوش أي لازمه جايبه ليه ؟

عشان الخبر ده له أهميه واحده ، رسالة لقطيع أردوغان من

المصريين والعرب اللي عايشين في ماية اللفت ، يا ترى فوقتو ولا لسه؟..

طب أردوغان هيقولكم ايه عن دعمه العسكري لإثيوبيا ؟ هيقولكم

مثلا بندعم حكومة شرعيه زي ما قالكم في ليبيا

وهو رايح يسرق بترولها واحتياطها النقدي ؟

ولا هيقولكم بندعم الثورات والربيع زي ما قالكم وهو رايح يسرق بترول سوريا ويفكك معاملها ؟

ولا هيقولكم بنطارد الأكراد زي ما قالكم وهو بيسرق بترول العراق؟

هو بيسرح بيكم إزاي المرادي وهو بيدعم قطع المياه عنكم زي ما قطعها عن سوريا والعراق ؟!