همسات     يعنى أية بقلم هناء البحيرى

همسات
                        يعنى أية
عارف يعنى أيه تنام و تقوم تلاقى نفسك كنت عايش فى وهم إسمه الصداقه
يعنى كنت بتحب بقلب صافى من جواك 
يعنى كنت بتدي و مش مستني 
يعنى بتحب بجد مش بتمثل الحب
                       يعنى أيه
أن أنت تضحى بحجات كتير عشان غيرك ده جميل جداً
لكن ليه غيرك ميضحيش عشانك مره
ليه أنت ديماً إلي تتوجع 
ليه ديماً الناس بتخاف من كلمة الحق
ليه و ألف ليه سؤال كل الناس بتسأله
سؤال بس للأسف محدش عارف الأجابة
و لا يمكن عارفين بس مش فهمين أوحتى خايفين
                       يعنى أيه
أصعب حاجه إنك تبقى حافظ مش فاهم
عندما يصمت اللسان يقول بعض البشر هذا أفضل 
و يقول البعض الآخر سكت اللسان لأنه كذاب
و يقول ثالث السكوت أفضل من الألم
و لكن الحقيقة يسكت اللسان أحياناً لأنه إنتابه شعور بالصدمة 
نعم صدمة من أناس كان لهم فى القلب شأن عظيم 
أناس كانوا فى يوم من الأيام عين نرى بها و قدم نسير عليها 
                            يعنى أيه
جفت الدموع و ذهب الصفاء و ماتت المشاعر 
و لا زال العقل يفكر هل كنا مخطئين أم كنا عن الرؤيا محجوبين
كم هائل من الأسئلة يدور فى الرأس و لكن هل من مجيب 
                    يعنى أيه
أكتر حاجه تزعلك لما حد يوصفك بأنك قاسى القلب
مسألتش نفسك القسوة جت منين 
مسألتش نفسك أيه إلي غيرنا معاك 
مسألتش نفسك العيب فى مين 
مسألتش نفسك مين الغلطان أنا ولا أنت 
للأسف كله شايف إنه هو صح و التاني غلط 
                         يعنى أيه
ليه متفكرش تحاسب نفسك بصدق و أمانه 
سدأني حسابك هيكون أرحم من حساب ربنا ليك
ليه ديماً إلي يقول الحق يبقى منبوذ من الناس
و لا يمكن عشان إحنا إتربينه صح مش عارفين نعيش 
طيب نعمل أيه كدب مابنعرفش نكدب 
نفاق مش طبعنا 
سكوت الساكت عن الحق شيطان 
                          يعنى أيه
لو إتعزلنا عن الناس يقولوا ده مش عاجبه حد طالع فيها 
قربنا من الناس يقولوا ده كائن غريب 
نسلم و نمشى يقولوا ماهو إحنا مش قد المقام
نبعد يقولوا ده مابيحبش حد عايز يعيش فى كوكب تانى 
و لو قربنا من الناس بنتوجع و نتجرح
طيب نعمل أيه كده مش عاجب و كده مش عاجب
                     يعنى أيه
أحسن حل نسبها على ربنا 
و ندعى ربنا يطلعنا منها على خير 
و يبعد عنا كل شر و حقد 
و يطول عمرنا لغاية ما نوصل ولادنا لبر الأمان
يا رب لك حامدين و لك شاكرين 
هناء البحيرى