( هنصبر ياحكومه) بقلمى الشاعر محمد غبن شاعر آل غبن

37

خلينا نصبر ياحكومه

كمان وكمان

يمكن العود يطرح

ويخضر لينا المكان

بس وحياة

حبايبك رجعى

شوقنا اللي غايب زمان

إعدلى بإيدك الدفه

الكتير راحوا فى الغرقان

ميلي بشراع الأمل

شويه ربنا يخليك

ووعد مننا ياستى كل جمعه

هندعى و إحنا بنصلى ربنا يقويك

ينور طريقك بالحق

والرحمه لأهلك وذويك

مش برضوا الخلايق مسؤوله

منك ولا مش فى الحسبان

اعملى طريقه سهله بحنكتك

تخفف المعاناه عن الشقيان والغلبان

واهى الطرق كتير وربنا معاك

وساعتها عملك هيظهر للعيان