واجه مشاكلك كتبت الدكتوره فاطمه محمود 

95

ما تداريش همك وماتحاولش تهرب من مشاكلك

واجه اللى شايفه صعب وانتصر دايما عليه

متغرب دايما عن نفسك

بتحاول تضحك من بره علشان مايبنش مدارى ايه
مشاكلنا مش نفس مشاكلك
حاول تحكيلى واحكيلك هنلاقى الحل ونوصل ليه
اوعى تفكر انك تهرب أو تعزل نفسك وتطنش
طول ما انت بهمة بتتحرك هدفك هيجيلك وبرجليه
خد بالاسباب وماتتسرعش
وخليك واثق أنه قوى ومابتصعبش حاجه عليه
أحسن ظنك والنيه كمان
ربك حنان وكريم ومش هيخيب ظنك فيه