أخبارالسياسة والمقالات

وجاء يوم الحصاااااااد

ابو سليم عبود

الله أكبر عليك يا ابو محمود ربنا يعينك علينا علشان إحنا بعيد عنك نفقر قاره

صلى الفجر ومن النجمة اخد معاه الحكومة كلها وراح عشان يحضر موسم حصاد محصول القمح 

من ٥ الصبح أول ما النهار بدأ يطلع نزل هوه يشوف حصاد زرعه .. زرع في صمت وحصد في صمت لكنه صمت المخلصين .

الحملة الموجهة ضده قوية ومش سهلة.. يعمل ايه ؟

يضاعف شغله ومجهوده اللي هوه أصلًا مضاعف لوحده لكنه بيرد بالعمل والشغل في نفس الوقت اللي في مانتخين عايشين في الطراوه ومحسسينا أنهم بيعدلوا المائله

النهاردة حصاد ما يقرب من ربع مليون فدان قمح من إجمالي ٣ونص مليون فدان تم زراعتهم السنة دي ، عشان نجني محصول القمح السنة دي بحوالي ١٠ مليون طن .. ولسه المساحة المنزرعة بالقمح بتزيد أكتر وأكتر عشان نحقق اكتفاء ذاتي بإذن الله .

بيعمل مشاريع زراعية وصناعية وخدمية وسياحية واستثمارية ، بيزرع ويحصد ، بيصنع وبيصدر ، بيبني بنية تحتية من أول وجديد ، بيعمل حياة كريمة عشان يغير حياة ٦٠ مليون مواطن وينمي الريف ، بيعمل مساكن ومدن للناس اللي كانوا عايشين في عشش وعشوائيات ، بيعملنا طرق تسهلنا حياتنا اللي كانت بتضيع في الزحمة …. بينحت في الصخر في وسط عالم مليان حروب وأوبئة وأزمات اقتصادية .. بينحت في الصخر وسط حرب على الإر.هاب وخونة في الداخل والخارج متربصين عايزنها تخرب اه عاوزينها تخرب اسمع مني دول يامؤمن يلاقوا موظف محترم وبيشتغل ومش بيسرق ولا يمد أيده بيتفننوا علشان ينقلوه ويكدروه ويبعدوه عن شغله اه وربنا اسالني أنا عاوزين حراميه ومرتشين علشان مصالحهم تخلص ومش هما بس لا ومصالح حبايبهم كمان وهما يقبضوا اه بيعملوا كده اسمع مني؟ بينحت في الصخر وسط منطقة مشتعلة

 بالحروب والأزمات بتهدد أمننا القومي ، بينحت في الصخر وسط أيد بتبني وألف أيد بتحاول تهد عشان مصالح شخصية ماحطش اسمه علي مشروع واحد من الآلاف المشروعات اللي اتعملت ويجي واحد قعد في مكانه بالغش والتدليس والتزييف يحسسك أن هو إللي معاه المفاتيح وبعدم وجوده البلد دي تضيع وأهلها يموتوا من الجوع آه وربنا زي مابؤلك كده ده يامؤمن الود ودهم يكتبوا اساميهم علي كل مشاريع مصر مفكرينها حفله طهور بينحت في الصخر وسط تحديات في دول عملاقة مقدرتش تقاومها ووقعت .

بينحت في الصخر ومستحمل وصامد ومكمل وبيشتغل بلا نوم ولا راحة ولا ملل لأنه عبد الفتاح السيسي .. وصدق من قال ( إن خير من استأجرت القوي الأمين )

اترك تعليقاً

زر الذهاب إلى الأعلى