المقالات والسياسه والادب
وجعل بينكم مودة ورحمه كتبت /سما فتح الله
وجعل بينكم مودة ورحمه
من أجمل وأصدق معانى الحب
هو القرآن الكريم
قال الله تعالى.
بسم الله الرحمن الرحيم
(لتسكنوا اليها )
مش لتحبوها
دايما كنت بفكر ليه ربنا متكلمش على الحب بين الزوجين
وكل كلامه عز وجل عن السكن والمودة والرحمة
ولما كبرت وشوفت تجارب كتير حواليا ناس اتجوزت واتطلقت
وناس اتجوزت ولحد اخر لحظة فى عمرهم بيحبوا بعض
وممكن واحد فيهم يموت وشريكه ميعرفش يكمل ويموت بعده بوقت قصير
كلمة السر هنا هى السكن والمودة والرحمة
السكن .. لتسكنوا اليها مش مجرد كلمة وخلاص أصل مش أى حد ولا حضن ممكن يكون سكن القلب والروح ترتاح جواه (الأشخاص فعلا بيوت زى بيوتنا بالظبط ممكن نعيش فى بيت جميل أوى من برة بس من جوة بارد وكئيب ومهما نورناه هو مضلم
وبيت تانى ممكن يكون صغير بس منور والدفا ماليه )
المودة .. اكتشفت ان الود أقوى من الحب بكتير وان كل ودود محب ولكن مش كل محب ودود ..
الشخص الودود دايما هايحافظ على حبال الوصل بينه وبين شريك حياته ودايما هايحافظ على متانتها وانها متتقطعش بينهم مهما حصل
الرحمة .. الرحمة لو مش موجودة فى قلب طرف من الطرفين هايبقى مليان قسوة وجحود ونكران جميل ومهما اتعمل ليه هايشوفه حق مكتسب وعمره ما هايفهم يعنى تقدير وامتنان
﴿ وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ﴾ .. الروم 21
