وحدي في المنزل 2

54

بقلم سحر ابوالعلا 

وحدي في المنزل 2

فكرت إني اشتري قطة بدل

 وحدتي دي، واهي تونسني

 وتعمل حس في البيت ويبقى

 معايا حد لأني بدأت اتكلم مع

 نفسي من كتر ما انا بقعد ساكتة

 بالأيام خصوصاً لأني وحيدة بعد

 موت امي ومعنديش اخوات،

يادوب اصحى من النوم على

 مكالمة عمر ابني بيطمن عليا

 وبعد كدة بينشغل في يومه

 وشغله، فعلا رحت واشتريت

 القطة، قطة شيرازي جميلة لونها

 ابيض سمتها بُسبس اتعلقت بيها

 اوي وهي كمان لدرجة اني كنت

 بقعد اتكلم معاها واحسها إنها

 بترد عليا وفاهمة كلامي من

 نظراتها ليا، كانت بتنام جنبي كل

 ليلة وكنت بحس براحة وهي

 نايمة جنبي أخيراً لقيت الونس

 بعد الوحدة اللي كنت حاسة إنها

 هتموتني، بعد فترة من وجود

 بسبس معايا لقتها بتعمل حركات

 غريبة مثلا تبقى قعدة ع رجلي

 وبتلعب معايا وفجأة الاقيها

 مركزة اوي وبتبص دايما في

 نفس المكان، ولما ندخل ننام

 وباب غرفتي مقفول الاقيها

 تسيب السرير وتنزل وتروح

 ناحية الباب وتفضل تخربش في

 الباب وتصدر صوت غريب

 وكأنها خايفة من حاجة،

في الأول كنت بقول يمكن عاوزة

 تعمل حمام فكنت افتح الباب

 واحطها عند مكان الحمام بتاعها لكن بلاقيها مش بتعمل حاجة، بعدين كنت بنام واسيب الباب مفتوح علشانها قلت يمكن بتزعل من إن الباب مقفول، لحد ما في يوم صحيت قبل الفجر ملقتش بسبس جنبي ولا لقتها في الاوضة معايا فضلت ادور عليها في الشقة كلها وقلت يمكن خرجت بس ازاي وباب الشقة مقفول ومفيش اي شباك مثلا مفتوح تخرج منه، بعدها ببص على بابا اوضة عمر لقيته مفتوح وانا عادة بكون قافلاه رحت ناحية الاوضة زقيت الباب وانا هموت من الرعب 😱 لقيت بسبس نايمة على الأرض🥹 اه نايمة على الأرض بس مقتولة ومكتوب بدمها على جدار الاوضة رموز غريبة مفهمتش منها حاجة خرجت جري من الاوضة وانا بصرخ لكن صوتي مكتوم من الصدمة🥹😱
#السلطانة