وحشتيني…….. سحر أبوالعلا

26

وحشتيني

ووحشني كلامك

وحشني وصالك وخصامك

وحشني سكوتك وهزارك

وحشني عِندك ودلالك

وحشتني الضحكه ع شفايفك

ووحشني اشتاقلك وانا شايفك

وحشني كسوفك وخوفك

وحشتني الربكة وتنهيدتك

لما بتغزل في سعادتك

ووحشني اتأخر والاقيكِ

متعصبة تحمر خدودك

واما اضحك عليكِ

تضربي فوق صدري بكفوفك.

وحشتني طفلة سكناكِ

وحشتني ضحكتي وياكِ

ووحشني لما أتعب ألقى

خوف الدنيا بيملى عنيكِ.

وحشتيني.
#السلطانه