معلومه للافاده لو متعرفش ان شركات الايس كريم المحترمة بتعمل الوردة دي عشان حمايتك تعالى و انا اقولك ليه بتتعمل
شركات الايس كريم بتعمل الورده دي عشان الايس كريم لازم يفضل متجمد من اول ما يخرج من المصنع لحد ما يوصلك.
مروراً بعمليات النقل و السوبرماركت او من كذا مصدر لمصدر لحد ما حضرتك تفتح العلبه و تاكله.
و لو الايس كريم اتعرضت لفك االتبريد في اي مرحلة من المراحل دي او النور قطع عليه و هو متجمد و ساح يعتبر فاسد
و لو فك التجميد و حد رجع جمده و باعه مش هيكون فيه شكل الورده دي و هيبقي السطح بتاعه مستوي
و بكده بيعرفوك ان الايس كريم اتفك و ممكن يكون فاسد و تم تجميده مره اخري.
لو حضرتك فتحت اي علبة آيس كريم و لقيت السطح مستوي و مفيش الورده دي.
ارمي الايس كريم فورا و متحاولش ترجعه للبايع لانه غالباً ميعرفش المعلومات دي. و ممكن يتهمك بالنصب او ان الايس كريم فك عندك و مش مسئوليته .
على فكرة انت كمان ممكن تعمل نفس الفكرة وتتأكد من صلاحية الحاجات المتخزنة ف الفريزر عندك لو هتسافر.. هات كوباية فيها مياة وسيبها لحد ما تبقي تلج وحط عليها عملة معدنية وسيبها ولما ترجع بص عليها لو لسه العملة فوق سطح التلج معناها ان النور مقطعش والتجميد فضل شغال طول فترة سفرك ولو لقيت العملة المعدنية في قاع الكوباية معناها ان الكهرباء قطعت والتلج ساح واتحول لمياة عشان كده العملة سقطت ف القاع وعليه مينفعش تستعمل الحاجات اللى ف الفريزر للأسف بعد ما فكت ورجعت اتجمدت
