وصفة * البيتزا * سهلة وسريعةوعلى قد الايد
كتبت/ غاده عبد الوارث
مقادير العجينة :
_ 2 كوب دقيق
_ 3 معلقه كبيره زبادى
_ 1 معلقه زيت
_ ذره ملح وذره سكر
_ 1 معلقه كبيره خميرة فورية
طريقة التحضير :
في طبق عميق ضيفي الدقيق مع ذرة الملح والسكر والزيت والزبادى و دوبى معلقة الخميرة في شوية مية صغيرة وضيفيها عليهم وابدأى اخلطى وزودى ميه بالكوبايه ( مش كتير) لحد ما تلاقيها عجينه مش بتلزق ف ايدك .. نلمها كوره كده ونسيبها ف الطبق ونغطيها بفوطه ونسيبها ساعه تخمر .. بعد ما تخمر نقسمها كور متوسطه ونفردها ف الصينيه ونغطيها ساعه .. بعد ما تخمر بتكون جاهزه .
مقادير الصلصة :
زى الصلصلة العادية اللى بنعملها بس زياده السكر والخل
( نحمر بصله مع فص ثوم ع النار وبعدين نحط عليهم عصير الطماطم والملح وذره سكر وحبه خل صغيرين ونسيبهم عالنار لحد ما تجهز )
تحضير البيتزا :
والعجينه ف الصينيه هنحط عليها بقى مقاديرنا
_ ( بيضه مع شويه ملح وادهنى بيها الوش )
_ ( بعدين هنحط الصلصله والجبنه )
والباقى زى ما تحبى
زيتون اسود واخضر .. شرايح بصل .. فلفل الوان .. شاورما فراخ او لحمه .. كبده ببصل .. تونه .. جمبرى .. سجق .. سويس .. وممكن تبقى جبنه بس عادى
* سخنى الفرن وحطى صينية البيزا ف النص
5 دقايق كده لحد ما تلاقى الارضية استوت وبعدين اطفى وولعى الشوايه عشان الوش يتحمر *
