دكتورة فاطمه محمود
جائنى سؤال مكرر كثير من القراء وهو ان نفسهم يكونوا شخصيات ناضجه متزنه علشان
الناس تثق بيهم وتحبهم وتعتمد عليهم
يعملوا إيه ؟!!
حاول تخلي علاقاتك مع الناس اللى حواليك واضحه وصريحه
يعني حاول ماتلفش ولا تدور وانت بتتعامل معاهم.
واللي بتحبه قوله بحبك وماتخليش اللي جواك عكس اللي براك
ماتعملش حاجه انت مش قدها وماتوعدش بحاجه ماتقدرش تنفذها
وعند اتخاذك لقرار يخصك او يخص المرتبطين بيك
ماتتسرعش وحاول تشركهم معاك وفكر كويس إيه الاثار
إللي ممكن ترتبط بقراراتك وازاي تواجهها وتتحمل كل مايترتب عليها
كلمه مهمه كتير بقولها وهى ماتجيش على نفسك علشان ترضي حد مابيهتمش بيك
وماتدخلش نفسك في مشكلات غيرك إلا لو طلبوا مساعدتك
خلي عندك تفاؤل وقناعة إن اللي جاي هيكون أفضل
مهما كانت صعوبة الأزمات اللي بتمر بيها لأنك لومعملتش كده ممكن تصاب بالاكتئاب والشعور باليأس وده ممكن يسلب منك أي إحساس بالمتعة والسعادة
ممكن محاوله انك تخلي دماغك وذهنك متفتح ومرن يعني لو لقيت إن اللي قدامك فكرته أفضل من فكرتك خد فكرته ونفذها وماتصممش على اللي في دماغك طالما هو صح
خلي عندك ثبات وضبط انفعالي وماتتنرفزش على اي حاجه تافهه تحصلك لأن عصبيتك ممكن تخليك تخسر حاجات كتير
حاول تكون شخص واقعي وأتعامل مع الموضوعات والاشخاص بعيدا عن انغراقك في المثالية الزائدة والاوهام والخيالات
ولو نفذت الكلام ده هتلاقي نفسك
في نفس الوقت متصالح مع نفسك
وعلاقاتك مع الناس اتحسنت بشكل ملحوظ جدا