كتبت /سما فتح الله
توفيت اليوم ٢٤/٣/٢٠٢٣
العالمه المصريه منى بكر عن عمر يناهز 48 عام مش هتكونوا سمعتوا عنها لانها مش ممثله ولا فنانه مشهوره ولا شىء من هذا القبيل.. كانت مديرة مركز النانو تكنولوجي لها 4 براءات اختراع دولية متسجلة بإسمها منهم استحداث عقار بيعمل علي زيادة نسبة الهيموجلبين فى الدم..وأسست أول شركة ف مصر والعالم العربي ف مجال النانو تكنولوجي..والدكتوراه بتاعتها كانت ف مجال الكيمياء الفيزيائية تحت إشراف العالم الدكتور مصطفي السيد فى الولايات المتحدة.. أسست مدرسة من 43 طالب دراسات عليا اشتغلوا علي تصنيع المواد النانوية وتطبيقاتها ف الخلايا الشمسية .لها أكتر من 56 مقال دولي و100 رسالة ماجستير ودكتوراه مشرفة عليهم..تم الإستعانة بها كمرجعية دولية ف الأبحاث العلمية ..وجائت فى التصنيف الدولي رقم 20 ف مجال النانو تكنولوجي..وتم اﻹستشهاد بأبحاثها أكتر من 1800 مرة..طبقا لما نشرته دوت مصر.. بنت اتولدت فى الصعيد وعاشت بأقل اﻹمكانيات المتاحة لحد ما بقت عالمة فى نظر العالم كله إلا ف بلدها..اتوفت من يومين بمرض نادر عن طريق مهاجمة أجسام مضادة لكرات الدم الحمراء..ولم يحالفها الحظ للسفر والعلاج على نفقة الدوله
حقها علينا إننا نساهم ف نشر سيرتها الذاتية والتعريف بيها والتسويق لعلمها ..وقبل كل ذلك الترحم عليهاوندعي لها بالغفران.
رحم الله الدكتورة مني بكر وأسكنها فسيح جناته