وماذا بعد وانتا الوتين

17

كلمات الشاعرة / أم هاشم العيسوي

متابعة: ممدوح السنبسي

قولي طيب لو انتا مش ليا

لمين هتكون وف قلب مين ساكن

دا انا بشوف اصفار كتير في اللي حواليا

وانتا بس بجمال قلبك مالي عليا كل الاماكن

دا انا لو يخيروني غيرك مستحيل اختار

انا بيك اكتفيت وابصم ع دا عمياني

وبعمري اشتريك وبقلبي افديك وكلي عزيمه وإصرار

وكمان تحت امرك لو تطلب مني حاجه تاني

يا سيدي انا مش عايز منك رد

كفايه تبقي جنبي دا العز بعينه

من قلبي بحبك ودا سر بينا واوعي تقول لحد

دا انتا دوبتني.. وتوبتني من سيرة الحب وسنينهكلام الدنيا في قربك مش هيكفيني

دا العمر ضاع قبلك بلاش

وصوتك في عز البرد دوايا واللي مدفيني

فقولي ازاي بعدك تنفع الحياه تتعاش

كأني ملكت الدنيا وانتا بتناديني بحبيبك

يا شريكي في الروح والقلب انتا وتينه

اوعي تحلم اني لغيري هسيبك

دا قلبي صمم يكسبك ودا وعد وحلف بدينه

بالدنيا عندي لما تجري عليا وتشكيلي

دا انا لو اطول وقتها كنت اشيل الهم عن كتافك

..دا انا فرحتي في فرحك لما تحكيلي

وقلبي دايما بيسمي عليك من اي حد حاقد شافك

وكفايه انك ليا العزوه والسند

كفايه اسمعك تقولي اخبارك

وكفايه اني قلبي اختارك قبل عيني والباقي مجرد عدد

وبدعيلك من قلبي يارب يجعل كل اللي جاي نور زي نهارك

كلمات الشاعرة / ام هاشم العيسوي