وماله أزاي

بقلمي الشاعر/ محمد غبن


شاعر آل غبن وسفيرا للسلام الدولي
10/9/2021

وماله ازاي وأبصر أيه
فقير مسكين مغشي عليه
وكروش بتآكل في لحمه النيئ
طيب حلها هيكون أيه
عايش يدوب علي قده
بلقمه بسيطه شاكر
و حامد عليها ربه
برغم الدمعه مخنوقه لكن
مانزلت لحظه علي خده
ولو جه حد يتكلم يقولوا
بلاش حقدكم الطبقي
أنا عايش وبتمتع لمزاجي
ودا حالي ودي طريقتي
طيب عيش واتهني وادلع
عارفك مبسوط
ونجم سارج ومولع
بس خاطر النبي
اللي أنت على دينه
بلاش تقول كدا وماله

طيب أنا في حالي وهوا
كمان في حاله
ياأخي فكر شويه في الاخره
حد هيآخد ثروته وجاهه
عيش ماشي مقولناش حاجه
وفكر في المسكين وماجراله
عايش في إنتظار بكره يتعدل
والدنيا تحققله أحلامه
ويضمن قوت يومه ليه ولعياله
بلاش تكون مسروع علي الدنيا
اصرف و أعرف انها فانيه
وهتجيلك ساعة العرض
تقولك وقتها مالي
انت عشت وقتها اناني
سبني ياعم مش فاضيه
رايحه اشوف كتابي وأعمالي
وأنت اتصرف في أحوالك
حد قالك تمشي ورايا آديك
ضيعت نفسك بأفعالك