الشخصيات المدمرة
ارجوك لو فيه اى مؤشر مع شريك حياتك أو حتي حد من أهلك أو قرايبك بيوضحلك انه شخص غير طبيعى او أنانى
او استغلالى إبعد
الشخصيات دى سهل اوى تبان
اولا.
الشخص اللى دايما بيرمى اللوم عليك و يحاول يحسسك بالذنب و يهرب من مسئوليته و الاعتراف بغلطه
ثانيا.
الشخص الاستغلالى اللى بيدمر نفسيتك و بيمتص طاقتك و دايما بتحس بحزن و الم نفسى معاه
ثالثا.
الشخص الانانى اللى بيخلى الدنيا كلها و الناس يدوروا حواليه و بيعتبر نفسه مركز الكون و بيلغى قيمتك
رابعا.
الشخص المدمر اللى بيحاول يحبطك و يحسسك دايما بفشلك و بيرفض نجاحك و يحسسك ان اى حاجه بتعملها
ملهاش قيمه ولا اهميه
خامسا.
الشخص اللى بيرمى كل غلطه واهانته وخيبته عليك و يحسسك انه رد طبيعى لتصرفك البشع اللى وصله لكده
** مع الاسف فيه شخصيات كتير منهم مش سهل تكتشفها ولا سهل تبعد عنها .. لانهم بيكونوا فى منتهى الذكاء
انهم يعرفو يخبوا عينك انها تشوف حقيقتهم.. او بيكونوا فى منتهى الغباء لدرجة انهم مابيكونوش مدركين لمرضهم
و بيحاولوا يسقطوه و يرموه عليك .. و لو اكتشفت ده فى يوم مش هتلاقى غير انكار و محاوله لاسقاط كل كلمه
عليك انت
خلو بالكم .. لو حسيت انك واقع فى الكارثه دى ابعد
( الشخصيات دى مش بتتغير) استحاله هايتغيروا .. لانهم ببساطه مش هيعرفو يحبوا بجد ..لانهم مرضى ..لانهم فى
الحقيقه من جوه اوى مش عارفين يحبوا نفسهم ولا بيعرفوا يقبلوا حد .. لانهم فاضيين من كل حاجه من جواهم و
مفيش حاجه يقدموها
مش هتلاقى جوه غير الالم و الرفض و الاذى
ابعد قبل ما تدمرك تماما .. لو ماتقتلتش جسديا منه .. هايموتك نفسيا .. و هاتكون حد انت ماتعرفوش فى الاخر
لو مش عارف تضحك و تنطلق و حاسس باحتواء و امان و قبول
لو مش بتغلط و بتلاقى قصاد غلطك حضن مفتوح و قبول
لو مش حاسس ان اللى قدامك ده بيتك اللى بترتاح فيه
لو مش عارف تتعرى نفسيا و تطلع كل عيوبك قدامه و تلاقى قبول ابعد