( يابحر الهموم )

31

بقلمى الشاعر / محمد غبن
شاعر آل غبن
6/10/2020

يابحر ومعاك اسرار
إمتى اللقا قلنا
إنت الأمين على
حالنا وعالم بسرنا
يعنى هنقول لمين
ونشكيله فراقنا وحزننا
مش إنت اللى عايش
بداية وقصص حبنا
وياما كنا نجيلك
تطبطب وبحنيتك تضمنا
يعنى إنت شريك
اساسى وأكتر من أهلنا
أرجوك يابحر قولى
وخليك معايا صريح
مش هزعل منك ولا
هخده إنه هوا تجريح
ربما الصراحة افضل ما
أكون ساكن بالضريح
وزى ماإنت عارف
أحب اكون واضح وصريح
عرفني بس وحياتك أنا
لسه في قلبها عايش حبيب
ولا أخدها من قاصرها
وأعتبره معدتش نصيب
بلاش وحياة أمواجك
متخليش عقلى يوادي ويجيب
ووعد منى ليك يابحرنا
هتكون دايما ليا الصديق
مش إنت زى دربى
وهتفضل معايا رفيق
وإن كان ياسيدى مفيش
نصيب إنت القريب ف الضيق

بريشه فخر عائله غبن الفنان الفلسطينى العالمى / فتحى غبن حفظه الله والتي هي ايضا غلاف لديوانى الأول جوايا حلم