“ياقبـــــر يـــا واقـــــع”

ياقبر ياحقيقه الواقع 
الكل ليك مش واخد باله
وآيات منزله فى القرآن جايه
حجه وبيان إصحي ياغفلان
وملايكه علي شمالك ويمينك
نصحوا ومحدش ليهم إستجابوا
توهنا في زحام الدنيا 
ناسين إن فيه نهايه وموت
و مصيرنا في لحظة بغته
يوقف القلب يموت مننا الصوت
الحقيقة قدام العنين وساعة
الجنازه الحزن بيفرض سكوت
ياااه للدرجة دي الحزن 
رسم جوانا صمت وعلامه 
طيب ليه ماإستغلناش الفرصه 
برجوع لربنا بتوبه وإنابه
شغلتنا الدنيا يارب خليك
حنين علينا إحنا عبادك الغلابه 
القبر ليه ضمته وبأمرك
يبقي فيه وحوش كإننا بغابه
وبأمرك تخليه روضه من
الجنه بعد التوبه والندامه
يارب أنت الحق ولا حد
فينا يقدر يخرج عن المألوف
وإن كانت الدنيا شغلتنا أنت
إلهنا و كفايه قلبنا ساكنه الخوف
طمعانين فى كرمك 
إرحم ضعفنا وإعمل فينا معروف
هنا في القبر عالم تانى
وعيشه مش عايزه زيف ولا نفاق
كل واحد بعمله مفيش
هنا واسطه ولا حليطه أو ذواق 
عملك وروحك المتعلقه
بربنا هي الدوا ليك والترياق