أدب وثقافه
يالاحط اسمك في خانة اللي باعو يالا بالسلامة قلبي مش ناقص زيادة
كلمات الشاعرة /ام هاشم العيسوي
متابعة: ممدوح السنبسي
يالا حط اسمك في خانة اللي باعو
يالا بالسلامه قلبي مش ناقصه زياده لاوجاعه
يالا قولي مين هيردلي سنين كتير في حبك ضاعو
انتا بيعت والتمن كان انا
صونتك ياما وانتا دمك بدون فصيله
تاهت فيه الأطبا واحتارت الحيله
كنت من الاحبه وكنت ليك باقيه واصيله
بس وحياة اللي عدي ما اقبل رجوعك لو تترجاني سنه
انتا كنت فين لما بالود مثلت وخدعتني
انتا عارف كام مره بكدبك جرحت فيا ووجعتني
يالا تغور كل الاماني لو معاك كانت مزيفه
واللي علمك ان اللعب بالمشاعر فن عقول متخلفه
كام مره تبعد واقرب وأحط الحق ع الظروف
وكام مره احط الحق ع قلبي من كتر الخوف
خوفت تبعد وبعدك روحي تعيش متبعتره
عشت المشهد تمام ف المسرحيه واتقنت بالكدب دور عنتره
وانا بكل سذاجه وصدق كنت ليك عبله
ودلوقتي ضحكة المفاجأة عليت كأني هبله
يا قلب خاين وبير ملوش ف الخداع أرار
هبعد وهنسي وكرهك اجباري وقرار
عشت بيك سنين وانا باسم الحب انكويت
وكان قربي منك فرصه وانتا عنها اتخليت
وخليني اقولك في نهاية الرساله انتا فرعون الجيم
وانا فوقت وبالحقيقه والنهايه اتعلمت واتسليت
كلماتي/أم هاشم العيسوي
تابعنا على
