يا دمع ساكن جوه نن العين/بقلم كريمة ابو النجا
يا دمع ساكن جوه نن العين
قول للالم وخدنا بس لفين
ليه السنين متلونه بالدم
لية الالم بيزيد ونلمه مابيتلم
*********
لىة كل حاجة حلوة فينا بتروح
ويشيب فينا الجسد
وتموت فينا الروح
اة يا ميت خسارة
على اللى فاتنا وراح
وخد معه الفرح
وحل مكانه الجراح
********
فاتنا عايشين جسد بلا روح
يا ام الشهيد
ضمى الجراح ضمى
واحضنى فيكى الالم
وخدى رسالة الشهيد
ليكى كدا وسمى
**“*****
قالك انا راجع أفطر
معكى فى يوم
كان اتفاق بينكم قبل
شهر الصوم
********
وجاء رسالته تقولك
سمحينى يا امى
وأمانة ماتبكى وعلى
جراحك ضمدى وضمى
**********
من اجل مصر انا فقدت الروح.
لاجل ماتعيش مرفوعة الرأس
وما يفوت على أرضها خسيس
ولا اعدئها الانجاس
*********
وصيتى يا امى اخويه كدا وصيه
على مصر يكون عليها حريص
ويخاف عليها من كل دني وخسيس
ويعيش من أجلها ويفديها بالروح
وتروح ارواحنا روح ورا روح
ومصر باقية نفديها بالدماء والروح
**********
الدمع صانع فى العيون مجره
يا ميت خسارة ويا ميت اة
على اللى فاتنا وراح
وخد قلوبنا معه
********
يادموعنا زاد الالم والنوح
احلى مافيناكل يوم بيروح
يفوتنا جسد عايش بلا روح
يادمع ساكن جوة نن العين
قول للالم وخدنا بس لفين
