التغيير سنه الحياة والكون كله. حتي ملامحنا مع مرور الزمن بتتغير. حاجات كانت بتفرحنا بقت ولا تفرق معانا.حاجات كانت بتزعلنا بقت مبتأثرش فينا.
ناس كانوا كل حياتنا مبقوش أصلاً في حساباتنا. ناس كانت غريبة بقت أقرب ناس لنا كأنها أهالينا.
ده لأنك بقيت بتفهم اكتر .بتستوعب بوعي. بتفكر بعمق. بتحس الامور بقلبك وتختبرها بحواسك قبل عقلك. أوقات
بتضحك وأنت كتير حزين عشان عارف الحزن مش هيدوم. وأحياناً تبكي في عز الفرحة لأنك تعبت أوي عشان تدوق طعم الفرح أو النجاح ده.
أوقات تغامر عشان ممكن تكسب بجملة الخساير إللي فاتت ومضعتش . أوقات تانية تحسبها بالخطوة عشان مش حمل صدمات جديدة تهد فيك. كل يوم تتغير حاجه جوانا أما ميتبقاش حاجه زي ما هي فينا غير أسامينا.
احنا كبرنا أوي من اللي عشناه وشفناه واتغيرنا وبنتغير وهنتغير أصل محدش فينا لسه صغير.
