أنا مش وحشة أنا تعبانة
أنا مش وحشة أنا تعبانة
كتبت/شمس فتحى
ب لسان كل الأمهات ولكل الأمهات
مش كل عصبية معناها إنى أم وحشة
أوقات كتير ببقى مستنزفة وتعبانة ومش قادرة أحتوي
وبخاف وبجلد نفسى
بس أنا لسه بحاول
ولو إنتى كده تعالي نطبطب على بعض
العصبية دي مش بتيجي من فراغ
بتيجي من يوم كله طلبات
ماما جعانة
ماما الواجب
ماما خناقة
وبتيجي من بالليل اللي بننام فيه
وعقلنا شغال في بكرة
وبتيجي من ضغط لازم ابقى سوبر ماما اللى إحنا حطينه على نفسنا
فطبيعي نفصل
طبيعي صوتنا يعلى
طبيعي نحتاج نعيط فى الحمام 5 دقايق
بس المشكلة مش في العصبية
المشكلة في جلد الذات اللي بعدها
في إحساس أنا فشلت
أنا أم وحشة
فأنا مش هقولك إهدى
هقولك خدي نفس
هقولك لما تهدي روحي إحضني وقولى ماما آسفة كنت متعصبة بس بحبك
هقولك السلام النفسى مش إن المهام تخلص
السلام إنك تصدقى إنك كفاية حتى وإنتي واقعة
ولو إنتى قريتي الكلام ده وحاسة إنك لوحدك
إنتي مش لوحدك
كلنا بنقع ونقوم
و ب نحاول
