أنماط الشخصية لما يتجاهلوك …بيعملوا كده ليه ؟
أنماط الشخصيات لما يتجاهلوك… بيعملوا كده ليه؟
كتبتها: د/ شيماء صبحي
(المتخصصة في فك شفرة: “شاف الرسالة وماردش ليه؟!” و”هو بيتهرب؟ ولا بيحبني؟”)
١. الإصلاحي
لما يتجاهلك؟ غالبًا شايفك غلطان ومش ناوي يصالحك!
بيقفل الصفحة
ويحس إنه لازم “يؤدبك بالتجاهل”
تحليلي:
هو شايف إن السكوت مش ضعف، السكوت تقويم!
بس لو اعتذرت، بيرجع بيك وكأنك اتولدت من جديد
٢. المتعاون
يتجاهلك؟ دا لو نسي يرد على رسالة بيكتبلك بعدها: “سامحني، كنت في المستشفى بزور العيلة كلها”
تحليلي:
صعب عليه يتجاهلك… إلا لو حس إنك بتستغله أو مابتقدّرش
ساعتها هيطنّشك وهو بيعيط من جوّه!
٣. المحفز
لما يتجاهلك؟ بيكون عامل Challenge مع نفسه إنه “مين فينا اللي هيكلم الأول؟!”
بيتجاهلك بـ”إيجابية”
وبيقولك: “أنا مش بتجاهلك… أنا بسيبلك مساحة تنضجي”
تحليلي:
بيتجاهلك وهو متابع كل خطوة بتاخديها…
بس مش ناوي يبادر إلا لو شفتي نفسك الأول
٤. الرومانسي
بيعمل بلوك؟ لأ
بيزعق؟ لأ
يتجاهلك؟ آه… ويموت في صمته!
يشوف الستوري
يسيب إيموجي بصمت
يسمع نفس الأغنية اللي كنتوا بتسمعوها… ويرجع يمسحها
تحليلي:
بيتجاهلك وهو جواه رواية كاملة مكتوبة عنك
بس الكِبر… والوجع… كاتمين على قلبه
٥. المفكر
يتجاهلك؟ أيوه، بس مش علشان يتقل… علشان لسه بيفهم هو بيحبك ولا لأ!
بيقعد بالأسابيع محلل كل كلمة قلتيها
ولما تيجي تكلميه، يرد: “ليه دلوقتي؟ ليه مش امبارح؟”
تحليلي:
هو مش بيتجاهلك… هو بيذاكرك!
٦. المغامر
التجاهل بالنسباله لعبة!
“أطنّشك… وبعدين أرجع أقولك: واحشاني من غير مناسبة!”
فجأة يختفي
وفجأة يظهر بصورتين في البحر وStory غامضة!
تحليلي:
هو بيتجاهلك لأنه مش ثابت، مش لأنه مش حاسس
بس الرجوع عنده سهل زي الاختفاء
٧. محب السلام
بيتجاهلك؟ أيوه، بس بيكتب في دفتره: “أنا مش عايز طاقة سلبية دلوقتي”
ما بيحبش المواجهات
يختفي… بس كل شوية يبص من بعيد
تحليلي:
مش بيكرهك، بس بيتعامل مع مشاعره كأنها غيمة محتاجة تهدى
٨. المنجز
يتجاهلك؟ مشغووول يا فندم!
بيقول: “كان عندي شغل ومكالمات ومواعيد…”
بس الحقيقة: هو بيرتب رد مناسب ومش عايز يتصرف عشوائي
تحليلي:
ما بيردش بسرعة، بس بيرجعلك برد مخطط ومتقن… كأنه بيمضي عقد حب مش مجرد رسالة!
٩. الشكاك
يتجاهلك؟ آه، وبيكون بيراقبك ٢٤ ساعة!
متصل أونلاين… بس سايبك في الـ Seen
بيدخل يتفرج على كل بوست، بس مابيقولش ولا كلمة
ويكتبلك بعد أسبوع: “شكلك مشغولة قوي اليومين دول!”
تحليلي:
هو مش بيتجاهلك… هو بيعاقبك بأسلوب سايكو محترم
طيب أعمل إيه؟!
افهمي نمطه: مش كل تجاهل معناها “مش بيحبك”
خلي عندك كرامة، بس مش جليد: لو هو بيتجاهلك بوجع… سيبيه يعيش الوجع
ردّي الغي
اب بوجود لنفسك: اعملي اللي بيحسسك بالحياة من غير ما تبقي reaction لي
