إبن الحويني “لا تعليق” بقلم الإعلامي/ يوحنا عزمي

إبن الحويني بيأكد على أهمية الكدب والتزييف وشهادة الزور تحت مفهوم التقية والتقلية ،

وبيشبة الشيخ أبو دبلون بصحابة رسول الله وبيشبهنا إحنا بالمشركين ،

يعني حضرتي وحضرتك وحضرتهم وحضرة القاضي والحطابون في الجبال والبردانون حول نار المدفئة ، كلنا برابطة المعلم كده مشركين عشان ابن الحويني يعرف يلاقي تخريجة لابن يعقوب .

أنا شخصيا والله مبسوط من اللي بيحصل ، خليها تنضف بقى ، مصر في عهد السيسي له ما له وعليه ما عليه
وماللهوي ، وانا مالي يامه كانت عامله شبه سجادة واللي اتجمع تحتها مش تراب ،

ده سباخ وزباله ومياه مجاري إخوان على سلفيين على مشايخ المحن وروحك اللي هترتقي لما تاكل فرخه من شركة معينة ،

وأي صبي فرارجي ولا حلاق ربى دقنه ولبس جلابيه قصيرة كان بيعمل علينا شيخ وفقيه

وأعلم أهل الكره الأرضية والكورة الشراب .

مبسوط أوي إننا شيلنا السجاده وبننضف العفن اللي تحتها

وبالنسبه لابن الحويني عايز أقوله كلمتين يارب يوصلوله

أنا كـ بني آدم مسلم او مسيحي عندي ذنوب كتير زي أي إنسان بيذنب ، بس مش هيوصل بيا الفجر والفجور في يوم من الأيام إني أتقول على الله ورسله وأتاجر بالدين وأدور على تخريجة للكبائر

وأقول انها حاجه جميلة خالص ..

بأختصار مش هيوصل بيا الحال إني أبقى شيطان بدقن
وجلابيه قصيرة .