في الحقيقة، مفيش حد في الدنيا بيحدد قيمتك غيرك إنت.
ولا كلام الناس، ولا نظرتهم، ولا حتى معاملتهم ليك… كل دي ردود أفعال على حاجة واحدة بس: أفعالك إنت.
كل شخص فينا بيختار حجمه… مش بالكلام، لكن بكل تصرف بيعمله، بكل موقف بيعدي عليه، بكل قرار بياخده وهو محدش شايفه.
في ناس بتفضل تشتكي إن محدش مقدرها، وإن الدنيا مش منصفة معاها…
بس لما تبص على تصرفاتها تلاقيها بتتنازل كتير، بتسكت على الغلط، بترضى بالقليل وهي تستاهل أكتر، بتدي قيمتها للناس على طبق من دهب، وبعد كده تزعل إنهم صدّقوا إنها قليلة.
