فيه حاجات في حياتنا بنسمحلها تدخل من غير ما ناخد بالنا، وتفضل قاعدة جوا دماغنا زي الضيف التقيل اللي مايعرفش يخرج. الأفلام الإباحية والعادة السرية بالذات من أخطر الحاجات دي. بتدخل الأول على استحياء، وبعدين تلاقيها بقت محتلة مساحة في مخك، شاغلة وقتك وتفكيرك ومودك، وبتأثر على علاقتك بنفسك وبربنا وبالناس.
الموضوع بيبدأ بلقطة صغيرة، فضول، أو محاولة تهرب من ضغط. تقول لنفسك “مش مشكلة مرة وخلاص”.. بس اللي بيحصل إنها ما بتبقاش مرة. بتتحول لعادة، والعادة تتحول لإدمان، والإدمان يتحول لسجن. سجن عقلك قبل ما يكون سجن جسمك.
إنت عمرك سألت نفسك ليه بتسمح للصور دي والأفكار دي تسكن دماغك؟
ليه سايب دماغك مفتوحة زي أوضة ببلاش لأي حاجة تدخلها وتوسخها؟
