المقالات والسياسه والادب
الرجولة جوه البيت
الرجولة جوه البيت
كتبت/ شمس فتحى
الرجولة جوه البيت هيبة ولا مشاركة؟
فيه ناس لسه فاكرة إن “الرجولة” يعني
لا تساعد في البيت ولا تعبر عن مشاعرك
ولا تعتذر لو غلطت ولا تشارك في تربية ولادك
وكأن الراجل لازم يكون حجر عشان يفضل “راجل”
الشكل الجامد ده من الرجولة بيحافظ على هيبة الراجل؟
ولا أحياناً بيكون هو السبب اللي بيخسر بيته من غير ما يحس؟
الحقيقة اللي بنهرب منها
الرجولة الحقيقية عمرها ما كانت ضد المشاركة
ولا ضد الاحتواء
ولا ضد كلمة “حقك عليا” أو “أنا آسف”
كتير من البيوت تعبت واتكسرت لأن الزوج كان شايف إن أي تعبير عن المشاعر أو أي مساعدة “بتقلل منه”
بينما القوة الحقيقية هي
المسؤولية راجل شايل بيته وعياله بجد
الإحتواء سند وأمان لمراته وأولاده
الحكمة يعرف يدير الخلاف بعقل وقلب مش بعصبية
الراجل اللي بجد هو اللي بيقوي مش اللي بيكسر
هو السند مش السجان
