المحكي اللبناني
صدمة،،،
بتذكر وقت جمعتنا الصدفه ،وقربني القدر منك ،،،قلت لك خلينا متل مانحنا ،،لابدي تحبني ولا ناويه حبك ،،
قلت لك مابدنا نكون وقت فراغ لبعضنا البعض ،،ومابقبل كون بحياتك وجبة لتشبع رغباتك ،،،وترجيتك ماتجرح قلبي ،،انا عم عاني كتير لاقدر أشفى ،،وعالج حالي من وجع الماضي،،،،
ومرقت الأيام ونحنا سوا ع الحلوة والمرة ،،،صرت أقرب مني لحالي ،،،كانت عيونك تلمع وقت تشوفني،،،أي كنت شوف عيونك عم تضحك ،،،وكنت حس بدقات قلبك وقت قرب منك،،،،شكرت ربي كتير عليك،،،وقلت ربي عوضني فيك عن كل القسى لعشته قبل ماالتقي فيك،،،،
وحبيتك وانا يلي كان قلبي مسكر بوابه ،،،فتحهن الك وفرش لك الثقه على أعتابه،،، وصار بدو يطلع كل كلام الحب يلي جواته ،،،قلبي استسلم ألك حبك أكتر مافي حب بالدني ،،،
وبلش الرد على الرسايل يتأخر،،،وصار يرن التلفون مرة وتنين وأكتر،،،وصار يمرق اليوم وكأني مش موجودة ،،،وصار كل اسبوع لتتذكر وجودي ،،،والحجج صارت كتيرة ،،،،والعتب صار تقيل ،،،وبلشنا بكل شهر يوصلني مرحبا منك ،،،،بس لترضي أنانيتك وتتأكد أني ناطريتك،،،،وأنك بتقدر تغيب وتختفي ،،وكل مرة بتحس اني رح أبتعد ،،،بترجع بتحكيني،،،
قلت لك هيدا قلبي بترجاك داريه،،قمت كسرته ودمرته وماعرفت تحميه،،،خليته لعبة عندك تتسلى فيه،،،
شكراً ع الصدمه الأخيرة ،،،عرفت النهايه ومصيرة ،،، رح رجعك متل ماكنت ،،،مش أنا لبتبقى أسيرة
