اللي شبه روحك هييجي في وقته وأنت هتكون مستعد تستقبله
اللي شبه روحك هييجي في وقته، وأنت هتكون مستعد تستقبله
كتبت/د/شيماء صبحي
في ناس فاكرة إن الحب رزق بييجي بالحظ…
لكن الحقيقة إن الحب الحقيقي بييجي بعد ما الإنسان يتصالح مع نفسه.
لما تعرف قيمتك…
مش هتجري ورا حد يثبتلك إنك تستحق.
ولما قلبك يتعافى…
مش هتقبل أي وجود وخلاص، هتستنى الوجود اللي يضيف لحياتك، مش اللي يستهلكها.
أنا مؤمن إن الأيام الجميلة جاية…
مش لأن الحياة سهلة، لكن لأن ربنا وعدنا إن بعد العسر يسر، وإن الصبر عمره ما ضاع.
هييجي الشخص اللي يشوف تعبك بطولة، مش ضعف.
اللي يفتخر بيك قدام الناس، ويحترمك في غيابك قبل حضورك.
اللي يفرح بنجاحك كأنه نجاحه، ويكون أول واحد يسندك وقت التعب.
مش هيحاول يغيرك علشان يناسبه…
هيحب النسخة الحقيقية منك، بكل عيوبها قبل مميزاتها.
بس قبل ما تدور على الشخص ده…
اسأل نفسك:
هل أنا بقيت الشخص اللي أتمناه؟
هل قلبي مليان سلام؟
هل سامحت الماضي؟
هل اتعلمت أقول “لا” لأي علاقة تقلل مني؟
الحب مش احتياج…
الحب مشاركة.
مش إن حد ينقذك…
لكن إنكم تمسكوا إيد بعض وإنتوا الاتنين واقفين على رجليكم.
ولو اتأخر رزقك…
متزعلش.
يمكن ربنا بيجهزلك حاجة أكبر من كل اللي تمنيته.
يمكن بيبني فيك قوة، وصبر، ونضج، علشان لما يوصلك النصيب الصح تعرف تحافظ عليه.
عش حياتك بفخر…
اشتغل على نفسك.
حقق أحلامك.
اهتم بقلبك وصحتك وعقلك.
وخلي ثقتك في ربنا أكبر من أي خوف.
وأوعى تنكسر لأن حد معرفش قيمتك…
الجبل عمره ما فقد هيبته لأن حد مقدرش يشوف قمته.
ابتسم للحياة، واتحدى ظروفك، وامشي ورأسك مرفوعة.
فالإنسان الواثق بربه ثم بنفسه، لا تهزه خيبة، ولا توقفه عثرة، ولا تكسره تجربة.
كل سقوط بيقومه أقوى، وكل وجع بيطلع منه أنضج، وكل انتظار بيزوده يقين إن الخير جاي في معاده.
وتأكد…
رزقك هيجيلك، وفرحتك هتوصلك، والقلوب الصادقة هتعرف طريقها ليك.
فامشِ بكبرياء، وعِش بأمل، وأحسن الظن بالله دائمًا…
فما كتبه الله لك، سيأتيك ولو بعد حين.
