بتول الحداد أتعرض للضرب والابتزاز من نائب سابق يلاحقني للزواج بالإكراه و تكشف تطورات جديدة

بتول الحداد أتعرض للضرب والابتزاز من نائب سابق يلاحقني للزواج بالإكراه و تكشف تطورات جديدة

صفاء مصطفي ….الكنانة نيوز

أظهر مقطع فيديو، الفنانة المصرية بتول الحداد تبكي بعد تعرضها للضرب والإهانة والابتزاز من برلماني سابق يريد الزواج منها غصبا عنها.

سب وقذف

وقالت الحداد: أنا بتول بكل أسف بيتعرض لي شخص كان نائب سابق في مجلس الشعب مش قادرة أقول اسمه عشان ميبقاش سب وقذف بعد كل اللي بيحصل فيا.

خطوبة

وأضافت: كنت بحبه سنتين وهو بيحبني، وكنت دايما برجع وأقول أنه مينفعش وإن هو مسيحي وأنا مسلمة وإنه مش هينفع، اتفقت أنا وهو إننا منكملش عشان مش هينفع.. جالي خطوبة اتنين من أصدقائي وعملي مشكلة والناس لما شافوه بياخدني من وسطهم اتخانقوا معاه وأنا نزلت جري قعدت في عربيتي عشان مش عارفة أروح فين..وعشان خايفة أروح بيتي وخايفة على نفسي على أصحابي. 

ضرب

وأكملت: كلمته قلت له لو عندك مشكلة معايا تعالى حلها معايا وبلاش فضايح قدام الناس أنا معروفة وأنت معروف وبلاش تعمل كده ضربني في العربية وشي وارم ورقبتي وارم لدرجة أن الناس بتوع الباركينج شالوه من فوقي قبل ما يموتني.

فضايح 

وزادت: أنا بعمل اللايف ده بناء على نصيحة حد أعرفه كويس قال لي ده اللي ينقذك أنا لا عايزة أعمل لايف ولا عايزة فضايح لنفسي ولا لحد، بس أنا لو حصل لي حاجة أو شركتي حصلها أو صحابي أو أهلي حصلهم حاجة هيبقى الإنسان ده هو السبب.

رعب 

ولفتت: أنا مش عارفة أروح فين ولا اجي منين ولا قادرة أروح بيتي لأنه لما بيعرف أنا فين بيروح المكان وبيعمل مشاكل ودي مش أول مرة من سنة عمل كده وضربني في الشارع والناس حاشوه عني، موجهة كلامها لمتابعيها، قائلة: “أنا بستنجد بيكم وأنكم تقفوا جنبي مش عايزة أكمل في حاجة غصب عني، أنا اتهنت وانضربت عايشة تحت التهديد وطول الوقت باحاول أتكلم مع البني آدم ده لأنه طول الوقت بيبتزني ومعيشني في رعب ورهبة وأنا طول الوقت بحاول أتكلم معاه واهدي الدنيا عشان أبقى عايشة في أمان”.

مصيبة

وتابعت:” أنا خلاص أنا يا إما هموت نفسي عشان أنقذ نفسي من البني آدم ده يا إما هو يبعد عني ويتعهد أنه يبعد عني”، مشيرة:” ده واحد مصمم نبقى مع بعض بالعافيه هو مسيحي وأنا مسلمة يعني مصيبة كل مرة كنت بحاول أبعد كنت بتأذي وانضر وكنت بحاول أمشي الدنيا من غير ما أعمل حاجة غلط”.

كابوس 

وختمت كلامها، قائلة:”أنا خلاص حاسة أني في كابوس ومش عارفة أفوق منه.. وحاولت أسيب البلد كلها وأمشي مش عارفة لأن شغلي هنا ومستقبلي هنا، بقالي 13 سنة شغالة في التمثيل”.

و بعد استغاثتها بالحكومة لحمايتها من شخص معروف رفضت ذكر اسمه، حيث تعدى عليها بالضرب ويصر على أن يكون معها رغم انقطاع العلاقة بينهما، طمأنت الفنانة المصرية بتول الحداد جمهورها على حالتها الصحية.

وكتبت بتول عبر خاصية “الستوري” على حسابها على “انستغرام” قائلة: “صباح الخير على حضراتكم جميعا. أنا بطمنكم عليا. أنا الحمد لله كويسة وبخير كنت بخلص إجراءات طبية بسبب الإصابات اللي في جسمي. وإجراءات قانونية والحمد لله إحنا في بلد قانون. الحمد لله  وشكرا لكل الدعم والحب وآسفة لكل القلق والذعر اللي حسيتوه بسببي. آسفة لقلكم وخوفكم عليا وحبكم ودعمكم ليا فوق فوق راسي والله”.

وأضافت: “أنا كويسة الحمد لله وبدأت العلاج وإن شاء الله تبقى آخر الأيام الصعبة …. وأخيرا لكل شخص غلط في حقي أو ذم في سمعتي وعند الله تجتمع الخصوم”.

وكانت بتول كشفت عن تعرضها لجميع أشكال العنف والابتزاز من نائب سابق في مجلس الشعب، مشيرة إلى أنهما كانت تجمعهما علاقة حب لمدة عامين، ولكنها قررت الابتعاد عنه واتفقا على أن يبتعدا عن بعضهما ولكنه منذ ذلك الوقت يتعدى عليها.

تفاعل الجماهير

التفاعل الشعبي آلاف المشاركات والتغريدات تضامنًا معها، وهاشتاج ادعموا_بتول_الحداد، لأن الذي قالته الفنانة بتول الحداد في الفيديو إنها كانت على علاقة بشخص برلماني سابق، وذكرت بوضوح إنه هو الذي يهددها ويطاردها بعد ما حاولت تنهي العلاقة.

وقالت بتول: “عايزني بالعافية… كان نائب في البرلمان… كل ما أسيبه يضربني ويهددني، وبيمشي ورايا بالعربية…”.

يعني من كلامها واضح جدًا إنه الشخص اللي بتستغيث منه هو برلماني سابق، وده سبب إن القصة أخدت صدى واسع، لأن وجود صفة “نائب سابق” خلاها قضية رأي عام، مش مجرد خلاف عاطفي.

لكن هي لم تذمر اسمه في الفيديو علنًا، ممكن لأسباب قانونية أو لحمايتها الشخصية، لكنها أكدت صفته.

الفنانة بتول الحداد

من هي بتول الحداد

بتول الحداد هي فنانة مصرية شابة بدأت رحلتها الفنية في منتصف العقد الماضي، وتمكنت من جذب الأنظار بأدائها الطبيعي وقوة حضورها على الشاشة.

خريجة المعهد العالي للفنون المسرحية – قسم التمثيل والإخراج.

بدأت مشوارها في السينما مع المخرج الكبير محمد خان.

تمتلك حضورًا مميزًا في الدراما والمسرح، وحققت نجاحات مؤثرة خاصة في المواسم الرمضانية.

ومن أبرز أعمالها الفنية في التلفزيون:

“نسر الصعيد” (2018): مع محمد رمضان، بدور “صفية”.

“جميلة” (2023): مسلسل اجتماعي لاقى نجاحًا كبيرًا.

“صلة رحم” (2024): بدور “سعاد”.

“برغم القانون” (2025): دراما سياسية مع إيمان العاصي وهاني عادل.

“في لحظة” (رمضان 2025): بدور “سارة” – شخصية شريرة أثارت جدلاً واسعًا.

“وتقابل حبيب” (رمضان 2025): بدور “نعمة”، وعبّرت عن فخرها بالعمل مع ياسمين عبدالعزيز.

وفي السينما:

“فتاة المصنع” (2014): بدايتها مع محمد خان.

“بضع ساعات في يوم ما” (2024): فيلم درامي رومانسي مأخوذ عن رواية.

بتول الحداد ليست فقط فنانة موهوبة، بل إنسانة تواجه الآن أزمة إنسانية كبيرة. تصدّرها للتريند اليوم ليس لأداء درامي، بل لصرخة استغاثة حقيقية. وتبقى أعين الجمهور والإعلام تترقب تطورات القصة وما إن كانت الجهات المعنية ستتحرك لحمايتها.