حبّي نفسك… مش بكلام بيتكتب في بوست وينتهي، لكن بأفعال تعمليها كل يوم. اختاري نفسك، راهني على قدراتك، وآمني إن جواكي قوة أكبر بكتير من أي خوف حاول يعطلك.
كوني جريئة… جريئة في قراراتك، في أحلامك، في إنك تقولي “لأ” للحاجة اللي بتكسرك، و”أيوه” لكل فرصة تقربك من الإنسانة اللي نفسك تكونيها.
متستنيش حد يشجعك كل يوم، لأن أكبر تشجيع هو صوتك الداخلي لما يقولك: “كملي… انتي تقدري.”
طوري من نفسك باستمرار، اتعلمي، اقري، جربي، اغلطي وقومي تاني. لأن أخطر حاجة ممكن تحصل للإنسان مش الفشل… أخطر حاجة هي الاعتياد. لما تركني للمكان اللي انتي فيه وتقتنعي إن ده آخر حدودك. لا… انتي تستحقي كل يوم تبقي نسخة أحسن من اللي قبله.
خلي عندك شغف يخليكي تصحي الصبح وانتي متحمسة لخطوة جديدة، حتى لو كانت صغيرة. النجاحات الكبيرة بدأت بخطوات محدش كان شايفها.
افرحي بنفسك… افرحي بأي إنجاز عملتيه، حتى لو الناس شايفاه بسيط. افرحي إنك اتغيرتي، إنك اتعلمتي، إنك بقيتي أهدى، أقوى، أو حتى إنك عديتي يوم صعب من غير ما تستسلمي.
افرحي بصحتك، لأنها نعمة. افرحي بوجود ناس بتحبك بصدق، حتى لو كانوا قليلين. افرحي إن عندك بيت يحميكي، وقلب لسه بيعرف يحلم، وعين لسه بتشوف الجمال في أبسط التفاصيل.
متقارنيش حياتك بحياة حد. كل واحد له طريقه، وله توقيته، وله معركته اللي محدش شايفها.
افتحي شبابيك قلبك للأمل، واقفلي أبوابه في وش اليأس. خلي طموحك أعلى من مخاوفك، وثقتك بنفسك أكبر من أي كلمة إحباط تسمعيها.
