المحكي اللبناني بتعرف شو،،، وقت تحس أن الدني صغيرة وكل شي قدامك أسود وتحس أنك مرتبك وقلقان وهموم الحياة كتيرة تحس في ضيقه ع صدرك ومخنوق وماقادر تفضفض يلي بقلبك وكل العالم واقف يقاتلك وضدك ٱبتسم اي ٱبتسم ماتفرجيهن ضعفك خبي إحساسك وماطلعه لبرا واذا عيونك جربت تفضحك فقرا لأن المفروض إذا وجعتك إيدك تقطعها هيك علموني وعلموك وعلى هيدا الأساس ربوني وربوك وعلى هيدي القاعده كبروني وكبروك بإعتبار هيدي نصيحة يلي حبوني وحبوك بس نسيوا يخبروني ويخبروك إذا فقرنا عيونا رح نبطل نشوف اي رح نعمى وتسّود الدني أكتر بوجنا نسيوا يخبرونا أن ممكن ناخد مسكن لوجعنا يخف لأن اذا قطعنا إيدينا رح نتشوه ونصير مصدر فرح للمتنمرين ونسيوا يعلمونا أن البكي عادي البكي أحيان بريحك بظرف من هالظروف وأن البكي مش ضعف فشت خلق وأن نحنا من البشر عادي نتدايق ونختنق ونسيوا يعلمونا نقرب من ربنا الوحيد يلي حاسس بوجعنا وتعبنا الوحيد يلي بدون مانحكي بيسمعنا نسيوا يعملونا كيف بنعمل شخصيه قويه من غير أي عواقب وخيمة وأذية علمونا الفرق بين البنت والصبي كل شي بعيبها بس مافي شي بعيبه وان نهاية البنت ع بيت زوجها ونهايه الصبي هي المميزة والسعيدة علمونا يلي بيضربنا على خدنا الأيمين نبرم له الأيسر بس نسيوا يعلمونا كيف ناخد حقنا وان الساكت عن الحق شيطان أخرس وأن الكف على الخد تمنه كتير غالي وأن الكرامه قبل الدني كلها علمونا كل شي غلط على مبادئ وتقاليد علمونا كل شي غلط بإسم العادات رسموا لنا مستقبل حيطانه من سفجن وقالوا عنا جيل فاشل مابيطلع من أمره شي ونسيوا أن بدايه فشلنا من تربايتنا الغلط
ClQKS1NuYXBjaGF0LzEzLjIxLjAuNDMgKFRFQ05PIEJENGk7IEFuZHJvaWQgMTEjMjMxMTEwVjMwNCMzMDsgZ3ppcCkgVi9NVVNIUk9PTRCcjvnM1wE=
